Que non se recolle
- Nin conta de usuario, nin correo, nin nome.
- Nin seguimento publicitario, nin píxeles de terceiros.
- Nin o enderezo IP tal cal: gárdase só un resumo con sal, que serve para contar os límites de uso. O enderezo orixinal non se pode recuperar a partir del.
A onde vai o texto que pegas
O texto envíase a un sintetizador de voz que está fisicamente fóra da Unión Europea. Iso é unha transferencia internacional, e é bo que o saibas antes de pegar datos de saúde, borradores de contratos ou calquera cousa delicada.
O texto non se garda de forma permanente. Calcúlase un resumo para que o mesmo texto non gaste a tarxeta gráfica dúas veces; ese resumo non permite reconstruír o texto.
As marcas das vogais calcúlanse no teu navegador. Esa parte non sae do teu ordenador.
Canto tempo se gardan os ficheiros
Os MP3 creados bórranse do servidor automaticamente ás 24 horas. Descarga o ficheiro ao momento se o queres conservar.
Se creas a túa voz, a gravación que envías dura máis: dela sae un modelo de voz que queda na memoria do sintetizador. O botón «Borrar» elimina a gravación e o rexistro do noso servidor, pero o modelo codificado no sintetizador non ten polo de agora función de borrado. Sen o código da voz non serve para nada, pero segue aí, e preferimos dicilo a prometer un borrado que non existe. Non envíes a voz doutra persoa.
Os teus dereitos
O Regulamento xeral de protección de datos dáche dereito a saber que datos teus se tratan, a corrixilos e a borralos. Nesta web non hai conta nin datos que se poidan ligar a ti, así que eses dereitos non teñen sobre que aplicarse, agás o modelo de voz, cuxa limitación se explica arriba. Podes preguntar en [email protected].